IKASTEN IKASTEKO LAN KOADERNOA

Gaurkoan ikasten ikasteko lan koadernoa dakarkizuet. Lan koaderno hau Lehen Hezkuntzako ikasleriari zuzenduta dago, bereziki 4. mailatik aurrerakoei.

Honen bidez ikasteko estrategiak landu nahi dira. Askotan ikasleak ez dituzte ikasteko estrategiak edo erremintak ezagutzen eta ez dakite nola ikasi. Baliabide honen bidez nola ikasi eta ikasteko bide ezberdinak lantzeko aukera izango dute.

Eskemak egitea, ideia nagusiak ateratzea, laburpenak egitea, memorizazioa, taldean edo bikoteka ikastea etab. izango dira dossier txiki honen oinarriak. Lan koadernoa euskaraz dagoen arren gaztelaniaz ere trebatzeko ariketak eskaintzen ditu. Izan ere, ikasten duguna hizkuntza batetik bestera transferitzeko gaitasuna sustatu behar da.